Memphis Grizzlies
Información xeral
Conferencia	Oeste
División	Suroeste
Fundación	1995
Historia	Vancouver Grizzlies (1995–2001)
Cores	Azul, celeste
G League	Iowa Energy
Localización
Cidade	Memphis, Tennessee
Pavillón	FedExForum
Capacidade	18.119 espectadores
Inauguración	6 de setembro de 2004
Persoal
Propietario(s)	Robert Pera
Director	Chris Wallace
Adestrador	David Joerger
Títulos
Campión	0
Conferencia	0
División	0
grizzlies.com

Os Memphis Grizzlies son un equipo profesional de baloncesto de Memphis, Tennessee. Xogan na División Suroeste da Conferencia Oeste da National Basketball Association (NBA). Xunto aos Toronto Raptors, os Grizzlies foron fundados en 1995 como parte da expansión da NBA no Canadá. O equipo comezou en Vancouver, e trasladouse no ano 2001 a Memphis.

Canchas |

• Vancouver
  
  • 
    General Motors Place (1995–2001)


• Memphis
  
  • 
    Pyramid Arena (2001–2004)
  
  
  • 
    FedExForum (2004–presente)
  
  

Historia |

Vancouver |

Os Vancouver Grizzlies xunto ós Toronto Raptors convertéronse en franquías da NBA en 1995. Ámbolos dous equipos foron os primeiros en xogar no Canadá dende que o fixeran os Toronto Huskies na tempada 1946-1947. Inicialmente o equipo foi composto de xogadores conseguidos nun draft de expansión, sendo a primeira elección dos Grizzlies Bryant Reeves. Aínda que gañaron o seu primeiro partido na casa, acabaron a tempada 1995-1996 co peor balance da NBA, o normal para un equipo novo na liga. En 1996, os Grizzlies elixiron no draft a Shareef Abdur-Rahim no posto número tres. Pero os Grizzlies continuaban a loitar sen éxito, e na tempada 1996-1997 perderon 23 partidos seguidos (récord da NBA compartido cos Denver Nuggets), dende febreiro ata abril, a remataron co peor récord da liga de novo.

En 1997, os Grizzlies elixiron no draft a Antonio Daniels co número 4. Viuse unha lixeira melloría no equipo, que acabou no sexto posto da división. Pero volveron ó derradeiro posto na tempada seguinte, malia a elección do base Mike Bibby no segundo posto no draft de 1998. Na tempada da folga de 1999, só gañarían oito partidos.

Despois da folga, a asistencia á cancha dos Grizzlies comezou a descender, e os donos do equipo, a empresa OrcaBay (que tamén posuía os Vancouver Canucks da NHL) comezou a perder cartos. Michael Heisley mercou o equipo en 2000, pero despois doutro ano con baixa venda de entradas, decidiu muda-lo equipo a Memphis.

Memphis |

Despois do translado a Memphis na pretempada 2001-2002, o equipo contratou ó ex-xogador de Los Angeles Lakers e membro do Hall of Fame da NBA Jerry West como General Manager en 2002, quen recibiría na tempada 2003-2004 o premio ó Executivo do Ano da NBA. No draft do ano 2001 elixiríase a Pau Gasol na terceira posición, que gañaría o premio ó Rookie do Ano. Na tempada 2002-2003 tamén sería fichado Hubie Brown como adestrador xefe. Logrou gañar o premio ó Adestrador do Ano na seguinte tempada tras alcanzar-los playoffs por primeira vez na historia dos Grizzlies quedando sextos de conferencia.

Hubie Brown foi despedido na tempada 2004-2005, no momento no que os Grizzlies estaban a ter un balance negativo. Jerry West asinou ó analista da TNT e antigo adestrador Mike Fratello. O balance mellorou e o equipo logrou entrar na postempada por segunda vez consecutiva. Os Grizzlies tiveron un período vacacional moi activo, no que remodelaron o equipo e engadiron talento veterán. Perderon a Bonzi Wells, a Jason Williams, a Stromile Swift e a James Posey, pero adquiriron a Damon Stoudamire, a Bobby Jackson e a Eddie Jones.

Nesa tempada lograron chegar ós playoffs por terceira vez seguida, calificándose como quintos na Conferencia Oeste. Tiveron que enfrontarse ós Dallas Mavericks e foron barridos en catro partidos. A franquía de Memphis ten o récord de derrotas consecutivas en playoffs, 12, que fan tres anos sen gañar nin unha serie, e nin un encontro en postempada na curta historia da franquía.

2008-presente: Gay e Randolph |

O 22 de xaneiro de 2009, o adestrador Marc Iavaroni foi despedido e substituído temporalmente polo adestrador asistente de Iavaroni, Johnny Davis. Coma substituto, chegou Lionel Hollins o 25 de xaneiro de 2009.^[1]

O 25 de xuño de 2009, coa segunda elección do Draft da NBA, os Grizzlies seleccionaron ao pivote Hasheem Thabbeet da Universidade de Connecticut, e seleccionaron máis tarde a DeMarre Carroll da Universidade de Missouri coa 27ª elección.

O 9 de setembro de 2009, os Grizzlies asinaron coma axente libre a Allen Iverson por un ano e 3.5 millóns de dólares. A fichaxe de Iverson xerou moita controversia debido á súa tempada anterior nos Detroit Pistons, a pesar de que el comentou que estaba impaciente e emocionado por axudar ao equipo. Malia as súas boas intencións, tan só xogar en tres partidos, ningún deles en Memphis, antes de deixar o equipo por "problemas persoais". Despois, foi cortado polos Grizzlies.^[2]

Tras a saída de Iverson, os Grizzlies foron mellorando pouco a pouco. Coa adquisición de Zach Randolph xogando ao nivel de All-Star, a mellora de Marc Gasol e a entrega e intensidade da defensa, os Grizzlies foron candidatos a Playoffs durante gran parte da tempada 2009-10, antes de rematar 10º no Oeste, cun récord de 40-42.

Na tempada 2010-11, cumpríronse 10 anos de baloncesto en Memphis. Esta tempada foi diferente ás demais, cambiaron o deseño da pista cun logo do 10º aniversario nela. Malia que os Grizzlies e os seareiros estaban a celebrar o décimo aniversario, o equipo fixo unha gran tempada, e quedou 8º, clasificándose para os Playoffs. Remataron cun récord de 46-36 esa tempada.

Tempadas |

Xogadores |

Cadro actual |

Memphis Grizzlies 2018–2019
Xogadores	Adestradores
Pos. # Nac. Nome Altura Peso Procedencia 3.5 !A/AP 1 ! Anderson, Kyle 2.06 m (6 ft 9 in) 104 kg (230 lb) UCLA 1.5 !B/E - ! Bradley, Avery 1.88 m (6 ft 2 in) 82 kg (180 lb) Texas 2.5 !E/A 24 ! Brooks, Dillon 1.98 m (6 ft 6 in) 100 kg (220 lb) Oregon 1.5 !B/E 3 ! Carter, Jevon 1.88 m (6 ft 2 in) 89 kg (196 lb) West Virginia 3.5 !A/AP 18 ! Casspi, Omri 2.06 m (6 ft 9 in) 102 kg (225 lb) Israel 1.5 !B/E 11 ! Conley, Mike (C) 1.85 m (6 ft 1 in) 79 kg (175 lb) Ohio State 1.5 !B/E - ! Dorsey, Tyler 1.93 m (6 ft 4 in) 83 kg (183 lb) Oregon 1.5 !B/E 7 ! Holiday, Justin 1.98 m (6 ft 6 in) 84 kg (185 lb) Washington 4.5 !AP/P 13 ! Jackson, Jaren 2.11 m (6 ft 11 in) 110 kg (242 lb) Michigan State 2.5 !E/A - ! Miles, C. J. 1.98 m (6 ft 6 in) 102 kg (225 lb) Skyline HS (TX) 5.0 !P 55 ! Noah, Joakim 2.11 m (6 ft 11 in) 104 kg (230 lb) Florida 3.5 !A/AP 25 ! Parsons, Chandler 2.08 m (6 ft 10 in) 104 kg (230 lb) Florida 3.5 !A/AP 10 ! Rabb, Ivan 2.08 m (6 ft 10 in) 100 kg (220 lb) California 4.5 !AP/P 2 ! Stokes, Jarnell 2.06 m (6 ft 9 in) 116 kg (255 lb) Tennessee 5.0 !P - ! Valančiūnas, Jonas 2.13 m (7 ft 0 in) 116 kg (255 lb) Lituania 3.5 !A/AP 12 ! Watanabe, Yuta 2.06 m (6 ft 9 in) 93 kg (205 lb) George Washington 1.5 !B/E - ! Wright, Delon 1.96 m (6 ft 5 in) 86 kg (190 lb) Utah	Adestrador J. B. Bickerstaff Asistente(s) Chad Forcier Greg Buckner Adam Mazarei Vitaly Potapenko Jerry Stackhouse Nick Van Exel Lenda (C) Capitán (DP) Drafteado sen asinar (FA) Axente libre (IN) Inactivo (S) Suspendido Lesionado Cadro • Transaccións Actualizado: 08-02-2019

Líderes históricos |

Negra indica que ao xogador segue en activo na franquía.
Cursiva indica que ao xogador segue en activo, mais non na franquía.

Puntos anotados (temporada regular) (a finais da temporada 2014-15)^[3]

Outras estatísticas (temporada regular) (a finais da temporada 2014-15)^[4]

Basketball Hall of Fame |

Galardóns individuais |

Curiosidades |

• Xeograficamente, Memphis é a cidade máis ó leste das que teñen equipo na Conferencia Oeste.


• Memphis Grizzlies tamén foi o nome da franquía que formaba parte da xa extinta World Football League na década dos 70. Isto da a Memphis a distinción de ter un nome de franquía deportiva usado dúas veces para equipos diferentes na historia da cidade.


• Na petición de entrada orixinal da franquía na NBA, o equipo estaba nomeado como Vancouver Mounties. O goberno do Canadá vetou o nome argumentando que o tiñan rexistrado, forzando o cambio ó actual.


• Os Grizzlies foron o primeiro equipo da NBA en ter unha páxina web, que foi creada por Bob Kerstein, Xefe da Oficina de Información do equipo por aquela época.


• En 2006, os Grizzlies son o único equipo representante de Memphis, Tennessee nas catro maiores ligas deportivas dos Estados Unidos: NBA, NFL, NHL e MLB.


• Nunha irónica coincidencia para unha cidade que normalmente era obviada polas ligas maiores do deporte, os Vancouver Grizzlies e os Charlotte Hornets pediron o traslado a Memphis o mesmo día, o 26 de marzo de 2001. Os Hornets terían que facelo a Nova Orleáns.


• 
  FedEx desexaba que o equipo mudara o seu nome ó de Memphis Express cando se transladou a Memphis. A NBA rapidamente prohibiu a idea, xa que non desexaba que os equipos foran nomeados por patrocinadores.


• 
  Sidney Lowe foi o primeiro adestrador do equipo en Memphis.

Notas |

Véxase tamén |

Ligazóns externas |

• 
  Web oficial dos Memphis Grizzlies (en inglés).