Bandeira de Ruanda
Características
Uso	...
Proporción	2:3
Adopción	25 de outubro do 2001
Cores	Azul     amarelo     Verde
v c e

A bandeira nacional de Ruanda foi adoptada o 25 de outubro do 2001. Trátase dunha bandeira dividida en tres franxas horizontais coas cores azul (a superior), amarelo (a situada no centro) e verde (a inferior). Na bandeira hai dúas tonalidades diferentes de amarelo: o denominado amarelo estándar para a franxa central e o denominado amarelo sol polo sistema Pantone para o sol da esquina superior dereita.^[1] A franxa superior posúe un grosor do dobre de tamaño respecto ás dúas inferiores. No cuadrante superior máis afastado do mastro aparece representado o sol dentro da franja azul, que representa a ilustración, á luz que aclara progresivamente a todo o pobo, isto traduce a unidade, a transparencia e a loita contra a ignorancia.^[2] A bandeira representa a unidade nacional, o respecto polo traballo, o heroísmo e a confianza no futuro.^[1].

A bandeira foi deseñada por Alphonse Kirimobenecyo.

Significado das cores |

O significado das cores da bandeira é o seguinte:

• Amarelo: representa o crecemento económico. Os ruandeses débense aplicar ao traballo para chegar a un desenvolvemento económico duradeiro.


• Verde: representa a prosperidade, grazas ao emprego racional da forza dos ruandeses e dos recursos do país.


• Azul: representa o optimismo e a boa sorte.^[1][2]

O vermello está ausente na bandeira, mais non da simboloxía oficial. Trátase amais do único país que presenta unha simboloxía para unha cor non presente. O vermello simboliza pois as masacres pasadas e o sangue que foi vertido nelas. A súa ausencia da bandeira simboliza a ruptura co espírito do xenocidio.

Bandeiras anteriores |

A antiga bandeira de Ruanda, creada oficialmente o 25 de setembro de 1961 e confirmada no momento da plena independencia o 1 de xullo de 1962, estaba composta, como a bandeira da Guinea, por tres franxas verticais do mesmo tamaño e lucía as cores panafricanas: vermello (a máis próxima ao mastro), amarelo (a central) e verde). Na franxa central da bandeira ruandesa figuraba, dende 1962, a inicial do nome do país "R" en cor negro para diferenciala da guineana.

A nova bandeira foi adoptada no 2001 en contestación ao período de transición que coñeceu o país ao saír do xenocidio. Estaba en efecto demasiado vinculado aos acontecementos que ensanguentaran o país. A supresión do vermello, substituído por azul dunha banda máis ancha que as dúas outros, así como o engadido dun sol, representa así a vontade reivindicada de cortar co período precedente e de volverse cara ao futuro. Esta bandeira trocouse, como parte da renovación nacional emprendida tralo xenocidio de Ruanda.^[2]

• 
  

  

  
  

  
  

  Bandeira do Reino de Ruanda (1959-1962).
  

  
  

  
  


• 
  

  

  
  

  
  

  Antiga bandeira de Ruanda (1962-2001)
  

  
  

  
  

Notas |

Véxase tamén |

Ligazóns externas |

• Bandeira de Ruanda en Flags of the World