Os gatos e as árbores son seres vivos.

Un organismo ou ser vivo é un conxunto de átomos e moléculas que forman unha estrutura material moi organizada e complexa, na que interveñen sistemas de comunicación molecular, que se interactúan co ambiente intercambiando materia e enerxía dunha forma ordenada e que desempeña as funcións básicas da vida, que son a nutrición, a relación e a reprodución, de tal xeito que os seres vivos atúan e funcionan por si mesmos sen perder o seu nivel estrutural.

A materia que compón os seres vivos está formada nun 95% por catro átomos: que son o carbono, o hidróxeno, o osíxeno e mais o nitróxeno, a partir dos cales xorden as moléculas, tanto orgánicas ou biomoléculas como inorgánicas.

• 
  Moléculas orgánicas ou biomoléculas: os ácidos nucleicos, as proteínas, os glícidos e os lípidos.


• 
  Moléculas inorgánicas: a auga, os sales minerais e os gases.

Estas moléculas repítense constantemente dentro dos seres vivos, polo que a orixe da vida procede dun antecesor común que existiu hai millóns de anos sobre a Terra.

Tódolos seres vivos están constituídos por células. No interior das cales se realizan as secuencias de reaccións químicas necesarias para a vida.

Clasificación dos seres vivos |

Os seres vivos clasifícanse en reinos. A clasificación máis estendida é a de cinco reinos cuns dous millóns de especies:

• 
  Monera, son os organismos máis sinxelos, con células procariotas. Están descritas unhas 25.000 especies


• 
  Protistas. Unicelulares, pero con núcleo diferenciado. Células eucariotas. Cunhas 150.000 especies descritas.


• 
  Fungos con 100.000 especies.


• 
  Plantas cunhas 350.000 especies.


• 
  Animais o máis numeroso con 1.200.000 especies.

Propiedades dos seres vivos |

Cadela de frade, Forficula auricularia

A vida pode definirse segundo 7 propiedades básicas dos seres vivos, que nos permiten diferencialos do resto da materia inorgánica:

• Compóñense de células.


• Crecen e desenvólvense.


• Regulan os seus procesos metabólicos e de desenvolvemento.


• Presentan movemento.


• Reaccionan a estímulos.


• Reprodúcense.


• As poboacións evolucionan e adáptanse ao ambiente.

Os virus, un caso especial |

Virus ébola

Os virus cumpren con tres destas características, pero non teñen metabolismo. Así a todo, se consideramos que a característica básica dun ser vivo é a evolución biolóxica, tamén os virus poderían considerarse seres vivos. Hai certo consenso en non consideralos formas vidas aínda que hai quen discrepa sobre a cuestión. Como se ve todo depende daquilo que se considere á hora de definir a vida.

Árbore filoxenética |

O seguinte diagrama mostra a árbore filoxenética en reinos dos seres vivos tendo en conta os últimos datos moleculares.

 ,_____________ Proteobacterias alfa
 ,___|
 | | ,__________ Proteobacterias beta
 | |__|
 ,_____| |_________ Proteobacterias gamma
 | | 
 | | ,____________ Proteobacterias delta
 ,___| |___|
 | | |__________ Proteobacterias épsilon
 | | 
 | | ,_______________ Planctomicetos e Chlamydiae
 | |__| 
 | | ,_________________________ Spirochaetes
 | |__| 
 | | ,______ Bacteroides e Flavobacterias
 | |__|
 | |_______ Bacterias verdes do xofre
 ,____| 
 | | ,____ Bacterias grampositivas con G-C alto 
 ,___| |_____|
 | | |____ Bacterias grampositivas con G-C baixo
 | |
 ,___| |_______________________ Cianobacterias e cloroplastos
 | |
 ,__| |__________________________ Bacterias verdes non do xofre
 Bacteria | |
 ,______| |_______________________________________________ Thermotogales
 | |
 | |________________________________________ Hydrogenobacter/Aquifex
 |
 | ,_______ Euryarchaeota
_____| Archaea ,_______|
 | ,_____________________________________| |_______ Crenarchaeota
 | | | 
 | | |_______________ Korarchaeota
 | | 
 |___| ,__________________________________________________ Diplomónadas
 | | 
 | | ,_____________________________________________ Microsporidia
 | | | 
 |___| | ,_________________________________________ Parabasálidos
 | | | 
 Eukarya | | | ,________________________________________ Mixomycota
 | | | | 
 |___| | |_______________________________________ Euglenozoos
 | |___| 
 | | |_________________________________________ Naegleria
 | | | 
 | | |_________________________________________ Entamoeba
 |___| 
 | ,_________________________________ Acrasiomycota
 | | 
 | | ,________________________________ Rhodophyta
 | | | 
 | | | ,__________________ Ciliados
 | | | | 
 |_______| |_______________|_____________ Dinoflagellata
 | | | 
 | | |_______________ Apicomplexa
 | | 
 | | ,____________ Labirintúlidos
 | | | 
 |___| |__________________ Oomicota
 | | 
 | |________________ Xantophyta
 |_______________| 
 | |_______________ Chrysophyta
 | | 
 | |________________ Phaeophyta
 | | 
 | |_________________ Diatomeas
 | 
 | ,___________________ Plantae
 | | 
 |_______________| ,__________ Fungi
 |__________| 
 |_______ Animalia

 ?__________________________________________________________ Virus

Véxase tamén |

Wikimedia Commons ten máis contidos multimedia na categoría:  Ser vivo

Bibliografía |

• Umberto D'Ancona, Trattato di zoologia (UTET, 1953; 1960; 1965; 1973).


• Emanuele Padoa, Manuale di anatomia comparata dei vertebrati, Feltrinelli, 1991 ISBN 978-88-07-64004-9
  


• Hans-Joachim Flechtner: Grundbegriffe der Kybernetik – eine Einführung. Wissenschaftliche Verlags-Gesellschaft, Stuttgart 1970.


• Anna Maria Hennen: Die Gestalt der Lebewesen. Versuch einer Erklärung im Sinne der aristotelisch-scholastischen Philosophie. Königshausen & Neumann, Würzburg 2000, ISBN 3-8260-1800-1.


• Sven P. Thoms: Ursprung des Lebens. Fischer-Taschenbuch-Verlag, Frankfurt 2005, ISBN 3-596-16128-2.


• 
  Günther Witzany: Natur der Sprache – Sprache der Natur. Sprachpragmatische Philosophie der Biologie. Königshausen & Neumann, Würzburg 1993, ISBN 978-3-88479-827-0.

Ligazóns externas |

• 
  The Tree of Life (en inglés)