Editorial de los Bibliófilos Gallegos
Tipo	Sociedade Anónima
Fundación	1949
Localización	Rúa Pasanteria, Pontevedra Galicia
Fundador	Francisco Javier Sánchez Cantón Xosé Fernando Filgueira Valverde
Persoas clave	Francisco Javier Sánchez Cantón (presidente) Marcelino Blanco de la Peña (vicepresidente) Xosé Fernando Filgueira Valverde (secretario) Felipe Cordero Carrete (xerente)
Industria	Cultural

Bibliófilos Gallegos foi unha editorial galega fundada en Santiago de Compostela en 1949.^[1]

Historia |

A Editorial de los Bibliófilos Gallegos nace en Santiago de Compostela en 1949 co obxectivo de paliar, dalgunha maneira, a case nula actividade editorial daqueles días no que respecta ao libro galego. Moi próxima ao Instituto Padre Sarmiento e ao Seminario de Estudos Galegos, os seus principais fundadores foron Francisco Sánchez Cantón e Xosé Filgueira Valverde, presidente e secretario respectivamente da nova empresa. Felipe Cordero Carrete, outro dos promotores, desempeñaría o posto de xerente e Marcelino Blanco de la Peña sería o vicepresidente. Participaron neste proxecto tamén Ramón Cabanillas, Gaspar Massó García, Antonio Rey Soto, Valentín Paz Andrade, Ramón Baltar Domínguez ou Francisco Fernández del Riego, entre outros. No ano 1994, a editorial extínguese.

Características |

Bibliófilos Gallegos foi unha das primeiras iniciativas editoriais da posguerra, xunto a outras como a colección de poesía Benito Soto (1949-50) ou a editorial Monterrey (1959), centrándose en obras de carácter histórico. Cabe destacar que os dirixentes non realizaban traducións do castelán ao galego e intentaban manter a obra na súa forma orixinal. Ademais, buscaban a publicación de obras de temática variada, un coñecemento máis profundo de Galicia e a difusión do mundo das artes, da literatura, da historia e da etnografía. Os seus promotores, nunha circular de presentación e subscrición á nova editora con data de xaneiro de 1948, explicaban deste xeito as intencións e o espírito que os movía:

Para tal fin proxectaron a creación de tres coleccións diferentes e ben definidas: a Biblioteca de Galicia, concibida para dar a coñecer textos inéditos ou reimpresións de obras existentes; Obradoiro, serie de pequenas monografías de divulgación artística profusamente ilustradas; e, por último, a Colección de los Bibliófilos Gallegos, reservada para reedicións facsimilares de obras raras e notables.

Traxectoria |

En 1949 saíron do prelo os tres primeiros títulos en cadansúa colección: Camiños no tempo de Ramón Cabanillas, El Pórtico de la Gloria de Ángel del Castillo e unha coidada edición facsímile da Descripción del Reyno de Galizia do Licenciado Molina. Seguirían logo outros importantes como a novela A xente da Barreira de Ricardo Carballo Calero, o Diccionario Bio-bibliográfico de Escritores de Antonio Couceiro Freijomil, o Cancioeiro da Poesía Céltiga de Julius Pokorny, en versión galega de Celestino Fernández de la Vega e Ramón Piñeiro, e a reedición facsimilar da Relación de Exequias de la Reyna Doña Margarita de Austria, ademais de varias entregas das monografías de arte Obradoiro.

Porén, este pulo inicial –con grande presenza divulgativa e publicitaria na prensa da época, convocatorias de premios, catálogos comerciais etc.- e o ritmo de produción de tres ou catro títulos anuais, só se mantivo ó longo do primeiro quinquenio. Despois decrecería considerablemente. A editorial convocou un certame de ‘novela galega’, aínda que o de ‘galega’ referíase tanto ao tema coma ao idioma. O premio concedeuse en abril do 1950 á obra de Ricardo Carballo Calero, A xente da Barreira.

Obras publicadas |

Diccionario Bio-bibliográfico de Escritores.

• 
  Camiños no tempo. Ramón Cabanillas Enríquez, 1949


• 
  Descripción del Reyno de Galizia. Bartolomé Sagrario de Molina, 1949


• 
  El pórtico de la Gloria. Ángel del Castillo López, 1949


• 
  El Museo de Pontevedra. Francisco Javier Sánchez Cantón, 1950


• 
  Monografías de Santiago y dispersos de temas compostelanos (1844-1852). Antonio Neira de Mosquera, 1950


• 
  A xente da Barreira. Ricardo Carballo Calero, 1951


• 
  Industrias de Sargadelos. Xosé Filgueira Valverde, 1951


• 
  Macías el Enamorado y Juan Rodríguez del Padrón: estudio y antología. Carlos Martínez-Barbeito, 1951


• 
  Relación de las Exequias que hiço la Real Audiencia del Reyno de Galicia a la Majestad de la Reyna D. Margarita de Austria, Nra. Señora.. Joan Gómez Tonel, 1951


• 
  Ribadavia. Manuel Chamoso Lamas, 1951


• 
  Cancioneiro da poesía céltiga. Julius Pokorny, 1952


• 
  El cazador gallego con escopeta y perro (1837). Froilán Troche y Zúñiga, 1952


• 
  F.A. de Sotomayor. Francisco Javier Sánchez Cantón, 1952


• 
  Monforte de Lemos. José Manuel Pita Andrade, 1952


• 
  La Catedral de Lugo. Francisco Vázquez Saco, 1953


• 
  Novelas de López Ferreiro. Antonio López Ferreiro, 1953


• 
  Edificio espiritual. María Antonia de Jesús, 1954


• 
  Le Portique de la Gloire. Ángel del Castillo López, 1954 (2ª ed.)


• 
  Monasterios cistercienses de Galicia. Leopoldo Torres Balbás, 1954


• 
  Versos de alleas terras e de tempos idos. Ramón Cabanillas Enríquez, 1955


• 
  Opúsculos gallegos sobre bellas artes de los siglos XVII y XVIII (Vega y Verdugo, Domingo de Andrade, P. Feijoo, P. Sarmiento, Felipe de Castro, Prado Mariño), 1956


• 
  El tesoro de la catedral compostelana. Xosé Filgueira Valverde, 1959


• 
  Opúsculos médicos gallegos del siglo XVIII (Araújo y Salgado, Feijoo, Sarmiento, Gómez de Bedoya y Fernando Oxea), 1961


• 
  Pontevedra. Francisco Javier Sánchez Cantón, 1963


• 
  Lago González: biografía y selección de su obra gallega. Xosé Filgueira Valverde, 1966


• 
  El Viaje a Galicia de Urrabieta Vierge. Xosé Filgueira Valverde, 1969


• 
  Armas y triunfos. Hechos heroicos de los hijos de Galicia. Felipe de la Gándara y Ulloa, 1970


• 
  Historias de Compostela. Xosé Filgueira Valverde, 1970


• 
  Inventario de la riqueza monumental y artística de Galicia. Ángel del Castillo López, 1972


• 
  Orense. Ramón Otero Pedrayo, 1973


• 
  Gondomar y su triunfo sobre Raleigh. Lois Tobío, 1974


• 
  Lugo. Antonio Fraguas Fraguas, 1974


• 
  Nobiliario de D. Pedro Conde de Barcelos. Pedro, Conde de Barcelos, 1974


• 
  O Novo Testamento, 1974


• 
  Pedro Madruga de Sotomayor, caudillo feudal. Gaspar Massó, 1975


• 
  Sagra Biblia en galego, 1975


• 
  Blasones y linajes de Galicia. José Santiago Crespo Pozo, 1957-1965


• 
  Diccionario Bio-bibliográfico de Escritores. Antonio Couceiro Freijomil, 1951-1953


• 
  El Museo Provincial de Bellas Artes de La Coruña. Manuel Rodríguez Maneiro, 1978


• 
  Monasterio de Celanova. Hipólito de Sá Bravo, 1978


• 
  Iglesia, señorío y nobleza. José García Oro, 1978


• 
  Castelao ante la medicina, la enfermedad y la muerte. Ramón Baltar Domínguez, 1979


• 
  Proezas de Galicia. José Fernández Neira, 1984


• 
  Visiones del más allá en la Galicia alto medieval. Manuel C. Díaz y Díaz, 1985


• 
  Escritos galegos. Francisco Javier Sánchez Cantón, 1991


• 
  Traduccións poéticas de Antón Losada Diéguez. Edición de Cristina Marchisio, 1999, ISBN 84-605-9791-1.^[2]

Notas |

Véxase tamén |

Bibliografía |

• Enciclopedia Galega Universal


• 
  Historia de la ciudad de Santiago de Compostela. Universidade de Santiago de Compostela, Santiago, 2003.^{[cómpre nº de páxina]}


• 
  Cabrera, María Dolores: Editar en Galicia. Consellería de Cultura e Xuventude, Santiago de Compostela, 1993.^{[cómpre nº de páxina]}


• 
  Fernández del Riego, Francisco: A xeración Galaxia. Editorial Galaxia, Vigo, 1996.^{[cómpre nº de páxina]}


• 
  Filgueira Valverde, Xosé: Epistolario. Museo de Pontevedra, Pontevedra, 2009.^{[cómpre nº de páxina]}


• 
  Vilavedra, Dolores: Historia da literatura galega. Editorial Galaxia, Vigo, 1999.^{[cómpre nº de páxina]}

Outros artigos |

• Bibliofilia

Ligazóns externas |

• 
  Exposición: A Editorial Bibliófilos Gallegos Biblioteca de Galicia.


• 
  Xosé Manuel Dasilva: "Camilo J. Cela, ‘autotradutor’ ao galego de La Familia de Pascual Duarte" Boletín Galego de Literatura 43, 2010.


• 
  “Produción editorial na Galiza durante a etapa franquista (1939-1975)”^{[Ligazón morta]}