ई लेख भारत आ आसपास की क्षेत्र की इतिहास खातिर बाटे। आजादी की बाद भारत गणतन्त्र की इतिहास खातिर देखल जाय: भारत गणतन्त्र क इतिहास।

एगो सीरीज के हिस्सा जवना के बिसय बा:
भारत के इतिहास
प्राचीन नया पाथरजुग, c. 7600 – c. 3300 BCE सिंधु घाटी सभ्यता, c. 3300 – c. 1700 BCE सिंधु घाटी सभ्यता के बाद, c. 1700 – c. 1500 BCE वैदिक सभ्यता, c. 1500 – c. 500 BCE सुरुआती वैदिक काल श्रमण आंदोलन बाद के वैदिक काल जैन धर्म के सुरुआत - पार्श्वनाथ जैन धर्म के बिस्तार - महावीर बौद्ध धर्म के उदय महाजनपद, c. 500 – c. 345 BCE नंद बंस, c. 345 – c. 322 BCE मौर्य बंस, c. 322 – c. 185 BCE शुंग बंस, c. 185 – c. 75 BCE काण्व बंस, c. 75 – c. 30 BCE कुषाण बंस, c. 30 - c. 230 CE सातवाहन बंस, c. 30 BCE - c. 220 CE
क्लासिकल गुप्त बंस, c. 200 - c. 550 CE चालुक्य बंस, c. 543 - c. 753 CE हर्ष के साम्राज्य, c. 606 CE - c. 647 CE कर्कोट साम्राज्य, c. 724 - c. 760 CE अरब हमला, c. 738 CE तीनतरफा संघर्ष, c. 760 - c. 973 CE गुर्जर-प्रतिहार, पाल आ राष्ट्रकूट चोल बंस, c. 848 - c. 1251 CE दुसरा चालुक्य बंस, c. 973 - c. 1187 CE
मध्यकालीन दिल्ली सल्तनत, c. 1206 - c. 1526 CE गुलाम बंस खिलजी बंस तुगलक बंस Sayyid बंस लोदी बंस पांड्य बंस, c. 1251 - c. 1323 CE विजयनगर, c. 1336 - c. 1646 CE बंगाल सल्तनत, c. 1342 - c. 1576 CE मुगल बंस, c. 1526 - c. 1540 CE सूरी बंस, c. 1540 - c. 1556 CE मुगल बंस, c. 1556 - c. 1707 CE मराठा साम्राज्य, c. 1674 - c. 1818 CE
आधुनिक मैसूर राज, c. 1760 - c. 1799 CE कंपनी राज, c. 1757 - c. 1858 CE सिख साम्राज्य, c. 1799 - c. 1849 CE आजादी खातिर पहिली लड़ाई, c. 1857 - c. 1858 CE ब्रिटिश राज, c. 1858 - c. 1947 CE आजादी के लड़ाई आजाद भारत, c. 1947 CE - वर्तमान
संबंधित लेख भारत के इतिहास के समयरेखा आर्थिक इतिहास भाषाबिग्यानी इतिहास आर्किटेक्चरी इतिहास कला के इतिहास साहित्य के इतिहास दर्शन के इतिहास बिज्ञान आ टेक्नोलॉजी के इतिहास
दे बा सं

भारत क इतिहास भारत देस आ आसपास के इलाका, जेकरा के भारतीय उपमहादीप भा दक्खिन एशिया के नाँव से जानल जाला, के पुराइतिहासी काल से ले के आजकाल के जमाना ले के इतिहास ह। भारत के इतिहास सुरू होला पुराइतिहासी जुग के लोगन आबादी के एह इलाका में बसाव से; इहे आबादी आ समाज आगे चल के सिंधु घाटी सभ्यता के रूप लेला; इंडो-आर्य संस्कृति आ वैदिक सभ्यता के रूप में आगे बढ़े ला आ हिंदू, जैन आ बौद्ध धर्म के एह इलाका में परतिष्ठा होले; कई गो बिसाल साम्राज्य एक के बाद के स्थापित होलें; मध्य काल में मुसलमानी शासक लोग के प्रभुत्व स्थापित होला; यूरोपीय लोग व्यापार के मकसद से आ के एह क्षेत्र के आपन उपनिवेश बना लेला; आजादी के लड़ाई के बाद भारत के बिभाजन आ वर्तमान भारत गणराज्य के उदय होला; आ अंत में आजाद भारत अपना बिबिध तरह के समस्या सभ से जूझत आज के समय में दुनिया के तीसरी सभसे ताकतवर अर्थब्यवस्था के रूप में स्थापित होला।

भारत के पुराइतिहास कम से कम 75,000 बरिस पहिले से शुरू होला जबसे इहँवा होमो सैपियंस मानव कि रहल क परमान मिले शुरू होला जबकि एहू से पहिले लगभग 5,00,000 साल पहिले से जब से होमो इरेक्टस मानव का प्रमाण मिले लागे ला।^[1]

सिंधु घाटी सभ्यता क समय ई॰ पू॰ 3300 से 1300 ई॰ पू॰ ले मानल जाला जेवन आज की पाकिस्तान आ भारत की हिस्सा में सिंधु नदी आ एकरे साहायक नदिन के घाटी सभ की सहारे बिकसित भइल रहे। एकरी बाद क्रम से वैदिक सभ्यता आ महाजनपद काल आवेला। भगवान बुद्ध क जनम महाजनपद काल में छठवी सदी ई॰ पू॰ में भइल जब मगध साम्राज्य आ कोसल राज्य रहे।

चौथी सदी से तिसरी सदी ई॰ पू॰ की समय में भारत की अधिकतर इलाका पर मौर्य साम्राज्य क अधिकार रहल। मौर्य साम्राज्य की पतन की बाद कई गो छोट-छोट राजा अलग अलग हिस्सा पर राज्य कइलें आ फिर भारत की बड़हन हिस्सा पर गुप्त साम्राज्य अस्थापित भइला ले इहे स्थिति रहे। गुप्त काल के भारत क स्वर्ण युग भा क्लासिकल जुग कहल जाला। एही समय में इहाँ हिंदू धर्म के वर्तमान रूप के प्रतिष्ठा भइल। सातवीं से इगारहवीं सदी ईस्वी में पाल, राष्ट्रकूट आ गुर्जर प्रतिहार शासकन की बीच में शक्ति-संघर्ष भइल।

मुसलमानी शासन के सुरुआत 1206 ई॰ में शुरू भइल जब दिल्ली सल्तनत क अस्थापना भइल। एकरे बाद से लेके यूरोपीय लोग के आगमन ले के दौर के मध्यकाल कहल जाला। सन् 1857 ई॰ में भारत की पहिला स्वतंत्रता संघर्ष की बाद भारत क शासन ब्रिटिश ताज के अधीन हो गइल। 15 अगस्त 1947 के भारत आजाद भइल आ 26 जनवरी 1950 के भारत गणराज्य के रूप में स्थापित भइल।

संदर्भ

ई भारत-संबंधी लेख एगो आधार बाटे। जानकारी जोड़ के एकरा के बढ़ावे में विकिपीडिया के मदद करीं।

ई इतिहास-संबंधित लेख एगो आधार बाटे। जानकारी जोड़ के एकरा के बढ़ावे में विकिपीडिया के मदद करीं।